Hamımızın çox yaxşı tanıdığımız Paulo Coelho. Rio de Janeyroda anadan
olub dünyaca məşhur romanların yazarını “Bir ilə dünyanı oxumaq”
blogumda oxumağımın tək səbəbi kitab şəklində əlimdə kitablarının olması
idi. Əslində fərqli bir yazar oxuyacaqdım, amma elektron kitab oxumağın
necə əzablı bir şey olduğunu təsəvvür etdim və əlimdə olan kitabı
oxumağa qərar verdim.
Kitab uşaqlıqdan eyni kənddə bərabər böyümüş və sonradan oğlanın
kəndi tərk edib dünyanı kəşf etməsi ilə başlayan bir roman. Qız
İspaniyada yaşayır və pzünə düzən qurub, amma günlərin bir günü oğlandan
məktub alır və onun nitqini dinləmək üçün bir tədbirə dəvət olunur.
Oğlan az yaşı olmasına baxmayaraq hərəkətli həyat keçirir və sonda din
yolunda irəliləyərək Məryəm ananın yolundan gedir və Allahın Qadın üzünə
inanır, Məryəm anadan sehirli güc istəyir və buna nail olur. Əllərində
xüsusi şəfa olan bu gənc bütün xəstələri sağaldır, ona ehtiyacı olan
hamıya kömək edir.
Və artıq bu yolla davam etmək yerinə ilahi gücündən imtina edərək
sevdiyi qızla bərabər olmaq istəyir. Oğlanın yeni həyatını tanıdığı
müddət ərzində qız da içində ilahi inamı oyadır və Allahın Qadın
simasını qəbul edir, ancaq oğlanın sırf onunla bərabər olmaq üçün ilahi
güclərindən imtina etdiyini öyrənəndə oğlanı tərk edir və intihar edir.
Lakin xilas edən tapılır və oölana qızın yerini deyir. Sonda oğlanla qız
əl-ələ verib gedirlər mikrorayon tikməyə.
Əslində “The Alchemist”-dən sonra Pauolonun heç bir kitabını ciddi
qəbul edə bilmirəm. Bu kitabı da “bəlkə fərqlidir” deyə almışdım,
oxudum. Pis deyildi, amma əla da deyildi. Başqa insana olan sevgini
ilahi sevgidən üstün olduğunu - oğlanın simasında, insani sevgisi
sayəsində ilahi sevgiyə qovuşmanı isə qızın simasında ifadə edir.
Ümumiyyətlə, Coelhonun kitablarında “Evrenə mesaj” ideyası var. Bu
kitabda da eynidir. Sən nə istəsən dünya sənə onu verəcək. Sadəcə
həqiqətən istə və yolundan dönmə. p.s. Mən də bir dənə Brunett istiyirəm
adı Evrən olsun, ümid edirəm, message delivered :P
Kitabdakı cümləm:
"Sen aşkın peşine düştüysen, o kendisi mutlaka seni karşılamaya çıkar."
No comments:
Post a Comment