10. Finlandiya və Joel Haahtela`nın "Der Schmetterlingssamler"i.

Əgər romanı bəyənirəmsə, nə qədər də qəmgin, kədərli olmasına baxmayara yüksək əhval-ruhiyyədə yazıram onun haqqında. Dünən Finlandiya yazıçısı Joel Haahtelanın romanını da bu əhval-ruhiyyə ilə yazacağımı fikirləşirdim, amma bu səhər Ayan Mirqasımovanən səsləndirdiyi və Leyla Aliyevaya aid olan o şerin sözləri ilə rastlaşdım. Çoxdan tanış idim bu şerlə, ancaq dinləmişdim, oxumamışdım, bu gün oxudum və qəribə oldum. Nə isə, keçim kitaba.

Blog çərçivəsində adını ilk dəfə eşitdiyim bir yazardır Joel. İnternetdə, demək olar ki, onun haqqında ingilis və ya rus dillərində geniş məlumat yoxdur. Nə varsa, finn dilindədir. Finn dilində olanları da rusa, ingilisə çevirəndə də geniş məlumat almaq olmur, hamısı kiçik-kiçik məqalələr. Joel 1972-ci il təvəllüdlü “брюнет”dir. İlk hekayəsini təhsil aldığı ildə yazıb. “Körpü” adlanan bu hekayədə oğlan lörpüdə dayanıb öz qisməti olan qızı gözləyir amma qız gəlmir. BUnu oxuyan kimi “Waiting for Godot” yadıma düşdü.

Joel Allaha, xoşbəxtliyə, kədərə, yuxulara inanan bir insandır. Özü də qeyd edir ki, hansısa kinoda gördüyü Veronika axtarmaq üçün bütün Avropanı səyahətə çıxıb. Veronikanı tanımırmış, amma axtarmağa başlayıb. Və tapmayıb. Gözlənilən nəticə, axı həyat kitablardakı kimi deyil.

İki roman yazdıqdan sonra tez-tez özünə “Bir daha yaza bilərəmmi?!” sualı verir. İndiyə qədər 9 romanı nəşr olunub.

Oxuduğumm roman - “Der Schmetterlingssamler” (The Butterfly Collector) tanımadığı bir insandan gözlənilmədən miras alan bir kişinin sonrakı həyatından bəhs edir. Əslində yazar öz əsərlərinə mistik bir ruh qatmağa çalışıb və əslində, heç bir mistika olmasa da, roman insana qeyri-real gəlir. Miras aldığı ev, miras edən şəxsi tanımaması, evdəki kəpənək kolleksiyası, miras edən şəxsi axtarmaq üçün Avropanı gəzməsi və onunla hardan tanış olmasını öyrənməsi çox maraqlı idi. Roman 4 günə bitdi. 3 günə də bitə bilərdi, nəfəs almadan oxusaydım 2 günə də. Kitabda hər şey həzin, melanxolikdir. Ev vəsiyyət edən şəxsin hardan-hara onu tapması, onların necə tanış olmaları, əslində heç tanış da deyildilər, özümü güclə saxlayıram ki, onların neçə qarşılaşdıqlarını bura yazmıyım, sonra marağı olmayacaq :) Adamın həyatını oxuduqca təkliyini, evliliyinin böyük məhəbbətlə başlasa da, sonrada tamamilə boş keçməsini və lap sonda yenidən əvvəlki vəziyyətə qayıtmağı necə çox istəməsini, baxmayaraq ki, Avropanı gəzəndə həyat yoldaşına xəyanət etmişdi, oxuduqca insan qəribə olur. Nəisə, maraqlı romandır, oxuyun :)