Rəfiqələrimin birindən bu yazar haqqında eşidəndə ilk növbədə hansı
ölkədən olmasına baxdım. CAR, Capetown; blogun növbəti kitabı. Kitab
universitet professorunun azyaşlı tələbələrindən biri ilə münasibəti
səbəbindən universitetdən qovularaq qızının yanına getməsindən bəhs
edir. Milli azlıqlara mənsub olan qızı da naməlum şəxslər tərəfindən
təcavüzə məruz qalanda vəziyyət tamamilə dəyişir. Məzmunun belə
qeyri-ənənəvi olmasına baxmayın, kitab çox gözəl üslubda yazılıb və
insanı iyrəndirəcək, etik çərçivələrdən kənara çıxacaq heç nə yoxdur.
Demək, ifrata varmadan da belə mövzularda səviyyəli əsərlər yazmaq olar.
“Disgrace” romanı ilə o, 1999-cu ildə Booker mükafatını alıb.
Bu kitabda və bununla paralel oxuduğum “Səmərqənd” əsərində iki dənə
“ilk” yaşadım. İndiyə qədər belə şey olmamışdı. “Səmərqənd”də olanı o
kitab haqda yazanda yazacam, amma bu kitabdakı “ilk”imi deyim. Hər nə
olursa olsun. Baxmayaraq ki, ədəbiyyat nəzəriyyəsi müəlliməm və elmi
rəhbərim bədii əsərlərə sadəcə bədii nümunə kimi yanaşmaq lazımdır
deyib, bu əsərlərdəki evliliyə xəyanətə bədii nümunə kimi yanaşa
bilmirəm, bu da bu mövzuda konservativ olmağımla bağlıdır. İlk dəfə bu
kitabda Professorla öz ərlərinə xəyanət edən Bev Şou və Surayaya qarşı
məndə heç bir mənfi fikir formalaşmadı ki, bu da ancaq yazıçının
məharətidir. 2003-cü ildə J.Coetzee`nin Nobel Mükafatını
ifadə edən bir cümləni oxuduqdan sonra həqiqətən də belə olduğunu
gördüm. Onun əsas istedadı romandakı “outsider” qəhrəmanını romanın
sonunda mənəvi cəhətdən inkişaf etmiş birinə çevirməkdir və bu onda hiss
olunacaq dərəcədə əla alınıb. Oxuyarkən Outsiderin inkişafını şəxsən
özünüz izləyirsiniz və ona qarşı deyil, onun yanında mövqe tutursunuz.
J.M.Coetzee haqqında onu deyim ki, 73 yaşı var. Baxmayaraq ki,
2002-ci ildən həyat yoldaşı ilə bərabər Avstraliyaya emiqrasiya
edib, əsərlərinin əksəriyyətində Afrika həyatını təsvir edir.
Kitab Avstraliya rejissoru Steve Jacobs tərəfindən ekranlaşdırılıb. Baxmaq lazımdır :)
Bu da həmin məşhur səhnə :(
Kitabda ən çox iki cümlə xoşuma gəldi:
1. “Baxdın, hər şey pisliyə doğru gedir - fəlsəfədən
danışmağa başla”. Ətrafımızda belə edən çox insan var, çıxılmaz
vəziyyətə düşəndə, fəlsəfəyə bağlayır. :)
2. “İntiqam - yanğı kimidir. Nə qədər çox içərsən, o qədər çox susayarsan”.
Bunlar da kitabın maraqlı coverl`ləri.
No comments:
Post a Comment